د خارجه وزير شاه محمود قرېشي د اطلاعات او خپرونو خاص مرستيالې ډاكټر فردوس عاشق اعوان سره پرېس كنفرنس

اسلام آباد 16 اکتوبر (اے پی پی)خارجه وزير شاه محمود قرېشي وئېلي دي د وزيراعظم عمران خان د ايران او سعودي دورو څخه زمونږ د هيلو نه زيات مثبت ځواب ترلاسه شوې٬د دواړو هېوادونو مشرتابه سره ملاقاتونه ډېر ګټور وو۔د سيمې نه د جنګ وريځې په تلو ښكاري٬وزيراعظم د كشمير په مسئله په ملګرتيا كولو د سعودي او ايران مننه كړې٬د بين الپارليماني يونين په غونډه كښې پاكستان په ښه ډول د كشمير مسئله وړاندې كړی٬د مولانا فضل الرحمان سره تماس لپاره د دفاع وزير پروېز خټك په مشرۍ كښې به سياسي كمېټۍ جوړولې شي٬په سياسي غونډو لاريونونو او پرلت وهلو حكومتونه نشي لرې كېدې٬مونږ كومه يره نه لرو٬د ډلو جوړولو يا د نورې ورانكارۍ اجازه نه شي وركړی كېدې٬ 27م اكتوبر به د كشميريانو سره د يو والي او د تورې ورځې په توګه لمانځلې شي٬په پنجاب او خېبرپښتونخوا كښې د بلدياتي ټاكنو وړومبې پړاؤ به په فرورۍ 2020 كښې پېل كېږي۔د دې خيالاتوتو څرګندونه ده د شورو په ورځ د اطلاعات او خپرونو خاص مرستيالې ډاكټر فردوس عاشق اعوان سره پرېس كنفرنس ته خطاب كښې وكړه۔ده ووئيل پاكستان د سعودي سره سټراټېجك اړيكې لري او ايران هم زمونږ ورور او ګاونډي هېواد دې٬تاسو ته ياد دي چې د تېلو په ټانكر د مېزائل بريد وشو نو په سيمه كښې ډېر تاؤ تريخوالې پیدا شو پھ دغه حالاتو كښې وزيراعظم عمران خان پريكړه وكړه چې كه تاؤ تريخوالې زيات شو نو ورسره به نه يوازې سيمه بلكې ټول نړيوال معيشت وځپلې شي د كوم آغېز به چې د پاكستان پشمول په ټوله نړۍ راتللو۔د دغسې سوچ ترمخه وزيراعظم د ايران دوره وكړه او د ايران صدر او سپريم ليډر سره يې ګټورې خبرې اترې وكړی۔ايران پھ پراخا زړه اووئيل چې مونږ تاؤ تريخوالې نه غواړو٬معاملات سمول غواړو او د خبرو اترو مرستياله يو۔نيغ په نيغه خبرو اترو او د درېم ګړي د لارې فيسلټيېشن ته هم چمتو يو د دغسې مثبتې رويې ترمخه مونږ د سعودي عربستان دوره وكړه۔ده ووئيل وزيرعظم عمران خان د سعودي فرمانروا او ولي عهد سره ملاقاتونه كړي او هغوي د پاكستان نكته نظر د سيمې ضروريات او د ايران د جذباتو نه خبر كړي دي۔ده ووئيل مونږ هيله لرو چې اوس د جنګ وريځي مخ په تللو دي۔پرونۍ ناسته د ډاډ وړ وه چې مونږ به سفارتي او پرامن عمل ته پام لرنه كوو دغسې چې غلط فهمۍ په خبرو اترو حل كړې شي۔خارجه وزير ووئيل وزيراعظم عمران خان پھ دواړو ملاقاتونو كښې د كشمير په حقله د هغوي د موقف مننه وكړه٬د ايران مشرتابه واضحه ووئيل چې د كشمير پھ حقله زمونږ په مؤقف كښې كوم بدلون نه دې راغلې۔مونږ د پاكستان د موقف تائيد كوو او دغسې سعودي عرب هم ګټور ځواب وركړی۔وزيراعظم هغوي خبر كړل چې د كشمير صورتحال څومره نازك دې او نن نړۍ هم دا تسليموي۔شاه محمود قرېشي ووئيل په مقبوضه كشمير كښې فاروق عبدالله څوك چې د اول نه په زندان كښې دې د هغه لور او خور هم نيولې شوي۔تېره اونۍ په سرينګر لال چوك كښې مېرمنو مظاهره كړې او په دغه لاټي چارج او شيلنګ كښې مېرمنې نيولې شوي۔هند په پوسټ پيډ فون د اېس اېم اېس آسانۍ په 24 ساعتونو معطل كړي د هند مبصرين هم وائي چې هند كشميريان څومره تنګ كړي٬مونږ پارليماني سفارتكاري پېل كړی٬د آئي پي يو صدر او سېكتر سره د كشمير مسئله پورته كړې شوې او هغوي په مقبوضه كشمير كښې د بشري حقونو صورتحال نه خبرولو له يو مشن رالېږلو ورته وئېلي شوي۔خارجه وزير ووئيل د پاكستان تحريك انصاف د كور كمېټۍ غونډه شوې په غونډه كښې په سياسي صورتحال غور شوې او درې سياسي پريكړې شوي٬مونږ يو سياسي ګوند لرو او سياسي معاملات په سياسي ډول حل كول غواړو۔د دفاع وزير پروېز خټك په مشرۍ كښې يو سياسي كمېټي د جوړولو پريكړه شوې څوك به چې د مولانا فضل الرحمان سره تماس نيسي او د هغوي نه به د سياسي مسائلو معلومولو او حل كولو په حقله خبرې كوي كه څوك دا وائي چې مونږ كومه يره لرو نو داسې نه ده۔خارجه وزير ووئيل 27م اكتوبر هغه منهوسه او توره ورځ ده په كومه چې هند په مقبوضه كشمير قبضه كړې وه٬د وزيراعظم عمران خان په سپارښتنه دا ورځ د كشميريانو سره د يو والي په توګه لمانځلې شي۔ده ووئيل مونږ له دا كتل پكار دي چې د ځايې ترجيحاتو په سبب لويې مقصد ته خو زيان به نه رسېږي۔د پاكستان تحريك انصاف حكومت د 13 مياشتو معاشي مسائلو څخه په تېرېدو د معيشت سمولو له هڅې كوي۔هېواد اقتصادي استحكام ته روان دې چې كله مونږ حكومت ترلاسه كړو نو كرنټ ااكاؤنټ خساره٬د د سرمايه كارۍ صورتحال٬د بې روزګارۍ شرح٬درآمدات برآمدات او د قرضونو صورتحال ښه نه وو۔په دې موده كښې مونږ څه سختې پريكړې دي او اوس د معيشت پھ حقله ښې اشارې رامخې ته كېږي ۔پھ داسې وخت كښې عدم استحكام نه به معيشت ته زيان ورسي۔ده ووئيل د چين دورې پھ مهال د چين صدر او وزيراعظم سره د وزيراعظم په زړه پورې ملاقاتونه شوي او مونږ ته د سرمايه كارۍ زياتولو وئيلي شوي۔شاه محمود قرېشي ووئيل د تحريك انصاف كور كمېټۍ غونډه كښې پريكړه شوې چې د نظم او نسق ښه كولو لپاره بلدياتي ټاكنې ضروري دي۔په خېبرپښتونخوا او پنجاب كښې به د بلدياتي ټاكنو وړومبې پړاؤ په 2020 كښې پېل كېږي۔ده ووئيل مونږ د هغه مشائحو علمائے كرامو مننه كوو چا چې د حكومت ته د مرستې باور وركړې۔د يوې پوښتنې په ځواب ده ووئيل دا د وزيراعظم اختيار دې چې كله وغواړي نو د چا قلمدان بدل كړي دا د جمهوري عمل برخه ده۔ده ووئيل زه په دې وئېلو خوشحالي محسوسوم چې كله مونږ حكومت ترلاسه كړو نو په هغه وخت كښې زموڼږ د امريكې سره د كوم نوعيت اړيكې لرلې هغه ټولو ته معلومې دي۔او اوس چې د وزيراعظم د اولس مشر ټرمپ سره كوم ملاقات شوې هغه ډېر ښھ وو او د كوم چې د اړيكو د بهترۍ عكاس دې۔د يوې پوښتنې په ځواب كښې ده ووئيل د يمن مسئله هم پيچده ده خو څومره د جنګ بندۍ امكانات چې نن شته پخوا كله نه وو۔ده ووئيل د پاكستان چې څومره سياسي ګوندنه دي ټولو په ګډه نېشنل ايكشن پلان جوړ كړې كوم چې دا ښكاره وائي چې د ملائېشيا هېڅ ګنجائش نشته او نه پكار دې۔ده ووئيل د برتانيې شاهي جوړه پاكستان ته راغلې دې سره به په نړۍ كښې زمونږ تشخص ښه شي٬په هېواد كښې نړيوال كركټ هم بحال شوې٬د امريكې سره زمونږ تعلق او خبرې اترې روانې دي دا وخت اولس مشر ټرمپ د چا د ټېليفون په تمه دې نو هغه د عمران خان به وي۔د يوې پوښتنې په ځواب ده ووئيل دا وخت زمونږ ټيم د حماد اظهر په مشرۍ كښې په پېرس كښې د پاكستان مقدمه كوي چې پكښې نړۍ د پاكستان د اړخه د پورته كړو ګامونو نه خبرولې شي خو هند كوم كثر نه دې پرېښې څنګه چې هغوي پخوا د چين نه مايوسه شوي دغسې به د سعودي نه هم مايوسه شي په سفارتي توګه مونږ هيله لرو۔ده ووئيل خبرې اترې هند ختمې كړي٬د پنځم اګست د اقدام نه پس چې څنګه سوچ هلته لرلې كېږي زه نه پوهېږم چې ملاقات به وشي د هسې خبرو او ناستې پاستې هېڅ ګټه نشته۔د وزيراعظم عمران خان رويه د اول نه مثبت وه خو د هند رويې په وجه ماته نه ښكاري چې په نزدې سباؤن كښې به د ملاقات كوم امكان وي۔د يوې پوښتنې پھ ځواب ده ووئيل د تحريك انصاف كاركنان چې اسلام آباد ته راغلي وو يوه ګمله نه وه ماته زه نن هم وائيم چې د پي ټي آئي كاركنانو په پي ټي وي بريد نه و كړی

مضمون کا ماخذ : raspadinha caixa

متعلقہ مضامین