پیپلز پارٹی روز گار ݙیندی تے ایندا تحفظ وی کریندی اے ، سید نوید قمر

حیدرآباد۔6مئی (اے پی پی):وفاقی وزیر تجارت سید نوید قمر آکھیے جو پیپلز پارٹی روز گار ݙیندی تے ایندا تحفظ وی کریندی اے۔ اے ساݙے منشور دا حصہ اے جو بے روز گاراں کوں ملازمتاں ݙتیاں ونڄن ت?? محنت کشاں و ملازمین دے روزگار دا قانونی تحفظ وی کیتا ونڄے ۔ اے ڳالھ انہاں سابق رکن قومی اسمبلی نواب غنی تالپور دے فارم شیخ بھرکیوٹنڈو محمد خان اچ آپݨے اعزاز اچ عید ملن ظہرانے توں خطاب کریندے ہوئیں آکھی اے۔ جتھاں انہاں نال ملازمین دے ھک وفد وی ملاقات کیتی ۔انہاں آکھیے اساں روز گار ݙتا بعد اچ 16ہزا?? ملازمین کوں کڈھ ݙتا ڳیا لیک?? عدالت عظمیٰ انہاں کوں ول بحال کرݙتا ساݙی حکومت عدالت عظمیٰ دے فیصلے تے من و عن عمل کریسی ۔ انہاں آکھیے سپریم کورٹ جنہاں ملازمین دی بحالی دا حکم ݙتے اساں بحالی دے عمل کوں مانیٹر کریندے پیوں پیپلز پارٹی دی اعلیٰ قیادت ملازمین کوں پیش آندی مشکلات کوں وختی مکاوݨ دا ارادہ رکھیندی اے ۔ انہاں آکھیے جو عمران خان دی حکومت سندھ تے کوئی توجہ نی ݙتی جیں توں اتھاں دے عوام دی مشکل اچ ودھارا تھئے مہانگ ت?? لوڈ شیڈنگ سندھ دے عوام دا معاش تباہ تے زندگی اجیرن کرݙتی ہئی ۔

مضمون کا ماخذ : لکی لیپریچون

متعلقہ مضامین