دهشتگردي خلاف جنگ ۾ اثرائتي بياني لاءِ سمورن فرقن جي عالم سڳورن سان مشاورت ڪئي ويندي: گهرو وزير محسن نقوي

اسلام آباد-04-سيپٽمبر (اي پي پي) گهرو معاملن واري وفاقي وزير محسن نقوي سان چنڊ ڏسڻي ڪميٽي جي چيئرمين مولانا سيد محمد عبدالخبير آزاد ملاقات ڪئي جنهن ۾ امن قائم ڪرڻ ۽ دهشتگردي ۽ فرقيواريت جي خاتمي، مذهبي هم آهنگي، رواداري ۽ بين المسالڪ اتحاد کي هٿي ڏيڻ جي قدمن تي خيالن جي ڏي وٺ ڪئي وئي. گهرو وزير جو چوڻ هو ته دهشتگردي جو ڪو به دين ۽ مذهب ناهي، دهشتگردي خلاف جنگ ۾ عالم سڳورن پهرين به قوم جي رهنمائي ڪئي ۽ هاڻي به ان جي سخت ضرورت آهي. دهشتگردي خلاف جنگ ۾ موثر بياني لاءِ سمورن فرقن جي عالمن سان مشاورت ڪئي ويندي. هن چيو ته عالم سڳورن سان مشاورت جي قومي مهم جو جلد آغاز ڪيو ويندو. دهشتگردي خلاف جنگ پاڪستان جي بقاءَ جي جنگ آهي، ان ناسور جي خاتمي لاءِ عالم سڳورن کي هڪ دفعو ٻيهر پنهنجو عظيم ڪردار ادا ڪرڻو آهي. عالم سڳورن هميشه پاڪستان جي تعمير ۽ ترقي ۾ پنهنجو ڀرپور ڪردار ادا ڪيو آهي. هن چيو ته دشمن بدامني پکيڙي ڏڦيڙ پيدا ڪري قومي يڪجهتي کي نقصان پهچائڻ چاهي ٿو. سڀئي گڏجي دشمن جي ناپاڪ ايجندا کي ناڪام بڻائينداسين. مولانا عبدالخبير آزاد چيو ته پيغام پاڪستان، پاڪستان جو اهو عظيم بيانيو آهي جنهن دهشتگردي، انتهاپسندي ۽ فرقيواريت کي حرام قرار ڏنو آهي. موجوده حالتن ۾ بين المسالڪ ۽ بين المذاهب هم آهنگي ۽ قومي يڪجهتي لاءِ سڀني کي ڪردار ادا ڪرڻو پوندو. پاڪستان ۾ امن قائم ڪرڻ لاءِ گهرو وزير جون ڪوششون ۽ خدمتون واکاڻ جوڳيون آهن. هن چيو ته دهشتگردي، انتهاپسندي جي خاتمي لاءِ پوري قوم پنهنجي بهادر هٿياربند فوج ۽ سيڪيورٽي ادارن سان گڏ بيٺل آهي. گهرو وزير محسن نقوي مولانا عبدالخبير آزاد جي مذهبي هم آهنگي، اتحاد ۽ وحدت جي حوالي سان خدمتن کي ساراهيو.

مضمون کا ماخذ : سلاٹ فادر

متعلقہ مضامین