ہیپاٹائٹس سی مکاوݨ کیتے جامع ملک گیر پروگرام دے تحت پورے ملک اچ فلٹر کلینک بݨائے ویسن ، وزیراعظم شہبازشریف

اسلام آباد۔7اگست(اے پی پی) وزیراعظم محمد شہبازشریف آکھیے ہیپاٹائٹس سی مکاوݨ کیتے جامع ملک گیر پروگرام شروع کیتا ڳئے جیں دے تحت پورے ملک اچ فلٹر کلینک بݨائے ویسن ،ایں کیتے وفاقی حکومت 35 ارب روپے رکھئن جݙاں جو 15 ارب روپے دا انڈومنٹ فنڈ پہلے ہی بݨا ݙتا ڳئے ۔ آپݨے ٹویٹ اچ وزیراعظم آکھیے گزریل ݙینھ میں کیتے بے پناہ اطمینان دا ݙینھ ہئی ۔ پاکستان کڈنی اینڈ لیور انسٹی ٹیوٹ اینڈ ریسرچ سینٹر(پی کے ایل آئی) جیٻں دا تصور 2015 اچ پاکستان دے جان ہاپکنز (امریکی ادارے)دے طور تے کیتا ڳیا ہئی انہاں ھک سنگ میل پار کیتے ۔ میں پی کے ایل آئی یونیورسٹی دا منڈھ ٻدھیا تاں جو پی کے ایل آئی دی مدد نال علم دی تخلیق، تحقیق اتے اختراعات دے مرکز دے طور تے کم کیتا ونڄ سڳے ۔ انہاں آکھیے ہیپاٹائٹس سی مکاوݨ کیتے ھک جامع ملک گیر پروگرام وی گزریل ݙینھ ول شروع کیتا ڳئے جیں دے تحت پورے ملک اچ فلٹر کلینک بݨائے ویسن ، جیں کیتے وفاقی حکومت 35 ارب روپے رکھئن جݙاں جو 15 ارب روپے دا انڈومنٹ فنڈ پہلےہی بݨایا ڳئے ۔ اے رقم غریباں دے مف?? علاج کیتے ݙتی ویسی ۔انہاں ڈاکٹر سعید اختر، ڈاکٹر فیصل ڈار اتے پی کے ایل آئی دے ڈاکٹراں، ماہرین ات?? عملے دے نال نال حکومتی عہدیداراں کوں انہاں دی عظیم قومی خدمات دی تعریف کیتی ، انہاں آکھیے اساں رل تے پی کے ایل آئی کوں قوم دا فخر بݨیسوں ۔