اسلام آ??اد??23جنوری (اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے جو انتخابات 2024 دی کوریج سانڳے ??یر ملکی صحافیاں اتے مبصرین دے حوالے ن??ل کجھ عناصر افواہیں کھنڈے پئن جیڑھے جو حقائق دے منافی ہن، 8 فروری دے انتخابات دی کوریج سانڳے ??یں ویلھے 49 غیر ملکی صحافیاں اتے میڈیا پرسنز کوں ویزے جاری کیتن ، 32 درخواستاں زیر غور ہن جݙاں جو دنیا دے مختلف حصیں توں ٻہوں ساریاں درخواستاں ہݨ وی ملدیاں پئن۔ اے ڳالھ انہاں پریس کانفرنس توں خطاب اچ آکھی اے ایں موقع تے وفاقی سیکرٹری اطلاعات و نشریات شاہیرہ شاہد، ایگزیکٹو ڈائریکٹر جنرل ایکسٹرنل پبلسٹی ونگ عنبرین جان، پرنسپل انفارمیشن آفیسر ڈاکٹر طارق محمود اتے ڈائریکٹر جنرل ریڈیو پاکستان سعید احمد شیخ وی موجود ہن۔ وفاقی وزیر اطلاعات آکھیے انتخابات دی کوریج سانڳے ٻہوں سارے بین الاقوامی صحافیاں ویزیں دی درخواستاں ݙتن ، ہݨ تئیں 49 ویزے (اسلام آباد، لاہور اتے کراچی سانڳے) جاری کیتے ڳئن تے 32 درخواستاں زیر غور ہن جݙاں جو دنیا دے مختلف حصیں توں ہݨ وی درخواستاں ملدیاں پئن ۔ انہاں آکھیے جو پاکستان ہائی کمیشن نئی دہلی کوں الیکشن دی کوریج سانڳے 32 درخواستاں ملئن جنہاں تے کاروائی جاری اے کیوں جو انڈیا اچ ویزا جاری کرݨ سانڳے مینوئل سسٹم موجود اے۔ انہاں آکھیے ای سی پی ایکریڈیٹیشن کارڈز گھنݨ سانڳے پاکستان اچ رہݨ آلے غیر ملکی میڈیا نمائندیں تے انہاں دے ن??ل جڑیے پاکستانی سٹاف دی طرفوں ہݨ تئیں 174 درخواستاں ملئن ۔ میڈیا دے سوالاں دا جواب ݙیندے ہوئیں انہاں آکھیے عالمی مبصرین دی کیٹیگری دے تحت برطانیہ توں 25، رشین فیڈریشن توں 8، جاپان توں 13، جنوبی افریقہ توں 2 جݙاں جو دولت مشترکہ توں 5 درخواستاں ملئن ۔ مرتضیٰ سولنگی آکھیے پاکستان دے مقامی میڈیا ہاؤسز کوں ایکریڈیٹیشن کارڈز وی جاری کیتے ویندے پئن ، ہݨ تئیں 6065 صحافیاں کوں ایکریڈیٹیشن کارڈز جاری کیتے ڳئن جنہاں اچ لاہور توں 1200، کراچی توں 1470، پشاور توں 1050، کوئٹہ توں 600، حیدر آباد توں 355، فیصل آباد توں 250 اتے ملتان توں 290 صحافی شامل ہن۔
