چیئرمین پی ٹی آئی بطور وزیراعظم سیکرٹ ایکٹ دی خلاف ورزی کیتی، 20 سال سزا تھی سڳدی اے ، مصدق ملک
APP25-161222
ISLAMABAD: December 16 - Minister of State for Petroleum Dr Musadik Malik addressing press conference. APP/SAK/ABB
اسلام آباد۔20جولائی(اے پی پی) وزیرمملکت پٹرولیم مصدق ملک آکھیے چیئرمین پی ٹی آئی ذاتی مفاد کیتے آئین اتے قانون کوں پامال کیتا تے آپݨے حلف کوں تروڑیا ،سائفر کوں سیاسی مقاصد کیتے استعمال کیتا ڳیا ،عمران خان بطور وزیراعظم سیکرٹ ایکٹ دی خلاف ورزی کیتی ،ہزاراں لوکاں دے سامݨے جلسے اچ ݙسایا جو سائفر ونڄیج ڳئے ،آئین دے تحت ملک دی خفیہ دستاویزات کوں ظاہر نی کیتا ونڄ سڳدا ۔ اے ڳالھ انہاں پریس کانفرنس توں خطاب کریندے ہوئیں آکھی اے ۔ مصدق ملک آکھیے پی ٹی آئی دے ??یئرمین جلسے اچ ہزاراں لوکاݨ دے سامݨے پرچہ لہریندے ہوئیں ݙسایا جو اے ریاست پاکستان دی خفیہ دستاویز اے جیں دے تحفظ دی ذمہ واری وزیراعظم سودھے ساریں تے ہے ۔ ݙیکھݨا اے ہے جو عمران خان جلسے اچ سائفر لہرایا تاں ایں قانون دی خلاف ورزی تھ??ی اے یا کائناں جیں دے تحت ساری خفیہ دستاویزات کوں خفیہ رکھݨ دی پابندی اے۔ کابینہ ، پارلیمنٹ اتے وزیراعظم دے حلف اچ اے تحریر اے جو کو??ی ایجھی خفیہ چیز کہیں کوں نی ݙکھائی ونڄ سڳدی جیں کوں خفیہ رکھݨ دی آئین دے تحت ذمہ واری اے۔ انہاں آکھیے عمران خان قانون کوں پامال کریندے ہوئیں آپݨا حلف تروڑیا تے پوری دنیا دے سامݨے سائفر دا کاغذ لہرایا۔ قانون اچ لکھیا ہویا اے جے خفیہ دستاویز ݙکھائی ویسی تاں ایندی سزا 17 سال توں ودھ جے اینکوں ونڄا ݙتا ونڄے تاں ایندی سزا 3 سال ہوسی۔ سائفر وزیرخارجہ ، سیکرٹری خارجہ ، وزیراعظم یا سکیورٹی متعلق کوئی معاملات ہوون تاں کجھ شخصیات دے سوا کوئی نی ݙیکھ سڳدا ۔ چیئرمین پی ٹی آئی جلسے اچ ݙسائے جو سائفر ونڄیج ڳئے ۔ چیئرمین پی ٹی آئی بطور وزیراعظم سیکرٹ ایکٹ دی خلاف ورزی کیتی ۔ انہاں آکھیے چیئرمین پی ٹی آئی آپݨی حکومت کوں ڈھاوݨ دی سازش دا امریکا تے ول ول الزام لاتا لیکن کجھ عرصے بعد ساریں عمران خان کوں کانگریس دی رکن دے سامݨے گڑ گڑیندے ہوئیں وی ݙٹھا ۔ انہاں اچ کیڑھی ڳالھ سچ اے کیا امریکا پاکستان دے آئین کوں پامال کیتے یا ول اے سچ اے جو امریکی کانگریس دی رکن کوں آکھیا ڳئے جو او انہاں کیتے آواز چاون ۔ مصدق ملک آکھیے عمران خان تاں ڈیوڈفنٹن نامی لابسٹ دی امریکا اچ خدمات ڳھدیاں جیں ساری زندگی پاکستان دے ایٹمی پروگرام دے خلاف پراپیگنڈا کیتا۔ چیئرمین پی ٹی آئیتاں امریکا تے الزام لاتا ہئی جو اوں پاکستان دے نظام اچ مداخلت کیتی ۔ انہاں آکھیے موجودہ حکومت وݙی مشکلات اتے محنت دے بعد آ??ی ایم ایف دا پروگرام بحال کرایا۔ ایں پروگرام اتے آ??ی ایم ایف نال معاہدے ??وں ناکام بݨاوݨ کیتے 2 صوبائی وزرائے خزانہ کوں خط لکھݨ کیتے وی آکھیا ڳیا ہئی۔اعظم خان کوئی نویں ڳالھ نی کیتی اوں جیڑھا کجھ وی آکھیے او ساریں کوں پتہ اے ۔ سائفر کوں سیاسی مقاصد کیتے استعمال کیتا ڳیا ۔عمران نیازی اپݨی ذات کیتے آئین تے قانون کوں پامال کریندا رہیا تے آپݨے لوکاں کوں فیدے ݙیندا رہیا ہݨ ایویں نہ تھیسی ۔چیئرمین پی ٹی آئی آئین، ملک اتے قانون کوں پامال کیتے۔قومی سلامتی کمیٹی آپݨے اعلامیے اچ آکھیے کوئی سازش نی تھئی۔
